Рөстәм Миңнеханов «Абилимпикс»та катнашучыларны какшамас ихтыяр көче үрнәге дип атады

Махсус хәрби операциядә катнашучылар арасында «Абилимпикс» һөнәри осталык чемпионаты Россия тарихында беренче тапкыр Казанда уза. Анда катнашучылар - гади хәрбиләр генә түгел, ә какшамас ихтыяр көче үрнәге дә. Татарстан Рәисе Рөстәм Миңнеханов Телеграм-каналында шулай дип белдерде.

«Безгә илебезнең барлык төбәкләреннән катнашучылар килде. Алар - чын хәрбиләр һәм какшамас ихтыяр көче үрнәге», – дип белдерде Миңнеханов.

Татарстан Рәисе билгеләп үткәнчә, чемпионат Россия Президенты Владимир Путин ярдәме белән уздырыла.