Менделеевск районы башлыгы комбайнга утырып урып-җыюга старт бирде

Татарстанның Менделеевск районы башлыгы Роберт Искәндәров комбайн руленә утырып урып-җыюга старт бирде. Ул районда урып-җыю барышын бәяләр өчен үзе комбайн руленә утырды. Быел Менделеевск районында чәчүлек җирләре 24 мең гектардан артып киткән. Болар – уҗым, кузаклы, техник һәм азык культуралары.

Район башлыгы эш сәфәрендә кырларның, шул исәптән җитен һәм техник киндер чәчүлекләренең торышы белән танышты.

«Культура югары икътисади потенциалга ия», – диде Роберт Искәндәров.

...