Төмән өлкәсендәге Шатан авылы мәчетенең 30 еллыгын билгеләп үттеләр

Төмәндә чыгучы «Яңарыш» газетасында Рәйханә Давлина һәм Гөлсинә Ташкееваның «Шатан мәчетендә бәйрәм» дигән язмасы басылып чыкты.

«Июнь ае бәйрәмнәргә бай булды. Корбан гаетләре узды, Сабантуйлар гөрли, ә Яркәү районындагы Шатан авылында мәчет ачылуының 30 еллыгын билгеләделәр.

Бәйрәмгә алдан ук зур әзерлек барды, Наилә һәм Фәрит Фәизовлар җитәкчелегендә авыл халкы какты-төзәтте, буяды. Мәчет кенә түгел, бөтен авыл кунаклар көтте. Бу бәйрәмнең төп максаты - халыкка тагын да искәртү...