Израилнең Иранга һөҗүме: "Бу төбәктәге зур сугышның башы"

Бүген Израил Тәһранга һөҗүм итте. Израил рәсмиләре сүзләренчә, чараның максаты Иранның атом програмын юк итү. һөҗүмнәр Тәһран, Тәбриз, Кирмәншах, Исфахан һәм Нетенз шәһәрләрендәге корылмаларга ясалган. Иранның югары җитәкчесе аятулла Али Хаменеи Иранга һөҗүм өчен Израилне "җитди җавап" көтә дип кисәтте. Иран инде Израил ягына 100гә якын дрон җибәрде. Якын Көнчыгышның берничә иле, шул исәптән Израил, Иран, Үрдүн һәм Гыйрак үз һава киңлеген япты. Күп кенә һава ширкәтләре Якын Көнчыгыш илләренә очышларны туктатты.