Казанда балаларны йөзәргә һәм суда беренче ярдәм күрсәтергә өйрәтәчәкләр

Казанда «Түбән Заречье» пляжында балалар һәм аларның ата-аналары өчен «Йөзәргә өйрән» акциясе узачак.

Иртәгә 09:15 сәгатьтә профессиональ йөзүчеләр төрле йөзү стильләренә өйрәтәчәк. Шулай ук коткаручылар батучы кешене коткарып күрсәтәчәк һәм беренче ярдәм күрсәтү алымнары белән таныштырачак.

Яшь казанлыларны һәм аларның ата-аналарын әлеге файдалы һәм кызыклы акциядә катнашырга чакыралар.