Мәскәүдә «Татар кызы–2025» халыкара конкурсының сайлап алу туры узачак

20 һәм 21 июньдә Мәскәү Татар мәдәни үзәгендә «Татар кызы–2025» халыкара конкурсының сайлап алу туры – кастингы узачак. Бу хакта Татарстан Республикасының Россия Федерациясендәге Тулы вәкаләтле вәкиллеге хәбәр итә.

Бәйгенең төбәк этабында катнашучылар иҗади талантларын, интеллектуаль сәләтләрен, шулай ук кулинария һәм кул эшләре өлкәсендәге осталыкларын күрсәтергә тиеш була.

Конкурста катнашучы кызларга карата мәҗбүри таләпләр: татар телен белү, 18-27 яшьтә булу, Россия территориясендә һәм якын һәм ерак чит илләрдә яшәү.