Кайбер татарстанлыларның июнь аенда хезмәт хакы күбрәк булачак

Кайбер татарстанлылар июнь аенда гадәттәгедән күбрәк хезмәт хакы алачак. Кемнәрнең хезмәт хакы күбрәк була – «Татар-информ» материалында.

Июньдә татарстанлыларның 18 эш көне һәм 12 ял көне. Бу быел 6 июньгә туры килгән Корбан бәйрәмен, шулай ук 12 июньдә билгеләп үтеләчәк Россия көнен бәйрәм итүгә бәйле. Бу ике көн эшләми торган бәйрәм көннәре санала. Әмма хезмәткәр ризалыгы белән эш бирүче хезмәткәрне эшкә чакырырга мөмкин. Мондый очракта, РФ ТК 153 маддәсе нигезендә, бу көннәрдә эшләнгән вакыт икеләтә күләмдә түләнергә тиеш.