Ливаннан аш-су остасы Казан турында: Монда барлык кешеләр дә ачык һәм олы йөрәкле

Ливанның башкаласы Бейрут шәһәреннән аш-су остасы Хөсәен Әлдирани Казан турында тәэсирләре белән уртаклашты. Ул «Казан Экспо» Халыкара күргәзмә үзәгендә «Kazan Forum» кысаларында Халыкара «Yong chefs international» яшь аш-су осталары турнирында катнашты.

«Миңа 23 яшь. Ливанда ике ресторан тотам, шеф-повар булып эшлим. Казанга беренче тапкыр килүем. Мин бу шәһәргә бик сокландым. Казан – гаҗәеп шәһәрләрнең берсе. Ул зур урманнары белән шаккаттырды. Шуңа да монда рәхәтләнеп ял итәргә, саф һава суларга була.