Татарстан Фотографлар берлегендә Азат Ягудин белән очрашу булды

Татарстан Республикасы Фотографлар берлегенең идарә әгъзасы, Казан авиация заводының рәсми фотографы Азат Ягудин белән очрашу үтте. Кичә ТР Фотографлар берлегенең һәр пәнҗешәмбе оештырылган очрашулары кысаларында булды.

«Җитештерү предприятиеләрендә, заводларда фотограф булу — шактый катлаулы чыннан да. Әлбәттә, анда эшләүче эшчеләрне төшерәм дисәң, мәсәлән, алар бит хезмәте кешеләре — «публичность» төшенчәсен үз итмиләр. Гадәттә, кемне төшерсәм дә, фотоны кулланырга язмача рөхсәткә кул куйдырам.