Актанышта махсус хәрби операция батыры истәлегенә икенче шахмат турниры үткәрелде

Актанышның Балалар иҗат үзәгендә шахмат буенча күп тапкыр Татарстан чемпионы, махсус хәрби операция батыры Нияз Фәррахов истәлегенә икенче тапкыр ачык турнир уза. Бу хакта «Актаныш» сайтында Ләйсән Газизова яза.

Нияз Фәррахов яшьтән физик яктан сау-сәламәт, көчле рухлы, акыллы булып үсә. Мәктәптә укыганда шахмат спортына гашыйк Фәһим Галимов белән Илдар Имамовның шахмат түгәрәге ачып җибәрүен ишетә дә, беренчеләрдән булып әлеге түгәрәккә языла. Укучысының махсус хәрби операциядә һәлак булуы остазны нык тетрәндерә.