Әлмәт балалар бакчалары һәм мәктәпләре «Җиңү тәрәзәләре» бөтенроссия акциясенә кушылды

Бөек Ватан сугышында Җиңүнең 80 еллыгы алдыннан Әлмәт районының балалар бакчалары һәм мәктәпләре «Җиңү тәрәзәләре» бөтенроссия акциясенә кушылды. Тәрәзәләрне Җиңү көне символикасы белән бизәү акциясе ел да уздырыла. Анда теләгән һәркем катнаша ала. Бу хакта «Әлмәт таңнары» яза.

Яшь әлмәтлеләр, педагоглар белән бергә, ветераннарга рәхмәтләрен белдереп һәм Бөек Ватан сугышы геройлары истәлегенә хөрмәт күрсәтеп, төркем һәм сыйныфларның тәрәзәләрен Җиңү символлары белән бизиләр.