Түбән Камада ветераннар фотосурәтләре белән күргәзмә оештыралар

Түбән Кама Бөек Ватан сугышында Җиңүнең 80 еллыгын зурлап билгеләп үтәргә әзерләнә. Шәһәр администрациясе Түбән Кама һәм район Территориаль иҗтимагый үзидарә советы рәисләренең актив катнашында «Яшь буынга киңәш» дип аталган проект-фотокүргәзмә оештыра. Бу хакта https://tat.e-nkama.ru/ сайтында хәбәр ителә.

Балигъ булмаган яшьтәге концлагерь тоткыннары, блокададагы Ленинградта яшәүчеләр, тыл хезмәтчәннәре, сугыш балалары һәм Бөек Ватан сугышы ветераннары күргәзмәнең төп геройлары булачак.