Германиядә София Гобәйдуллина белән хушлаштылар
Германиянең Гамбург шәһәрендә бүген композитор, заманча музыка классигы, Татарстанда туган София Гобәйдуллина белән хушлаштылар. Бу хакта ТНВ хәбәр итә.
Композитор Аппен шәһәрендә (Шлезвиг-Гольштейн җире) 1992 елдан бирле яши һәм 13 мартта 94 яшендә вафат була. Июньдә София Гобәйдуллинаның көле салынган урналарны Мәскәүдә җирләргә җыеналар.
София Әсгать кызы Гобәйдуллина йөздән артык симфоник әсәр, солистлар, хор һәм оркестр, инструменталь ансамбльләр өчен әсәрләр, театр, кино һәм мультфильмнар өчен музыка авторы.
Заголовки