Миләүшә Хәйруллина: Музыкамда камиллек, фикернең тирәнлеген саклап каласым килә

Халыкара фестивальләр лауреаты, композитор, пианист Миләүшә Хәйруллина иҗатының үзенчәлекләре турында сөйләде.

«Музыкамда камиллек, фикернең тирәнлеген саклап каласым килә. Шул ук вакытта минем музыка бар кешегә ачык. Оркестровка, гармония, алым өлкәсендә төрле мәсьәләләрне хәл итәм. Һәр әсәремдә нинди дә булса яңа алым кулланып карыйм, эксперимент ясыйм. Тыңлаучы музыкамда үзенә якын булган гадилекне, күңелен эретерлек хисне ишетергә сәләтле», – диде ул «Татар-информ» хәбәрчесенә биргән әңгәмәсендә.