Татарстан Язучылар берлегенә рәис урынбасарлары һәм остаханә җитәкчеләре билгеләнде

Татарстан Язучылар берлегендә яңа идарәнең беренче утырышы узды. Берлек рәисе Ркаил Зәйдулла Идарә хозурына яңа урынбасарларын һәм Берлек остаханәләре җитәкчеләрен тәкъдим итте.

Берлек рәисенең иҗат буенча урынбасары итеп Дания Нәгыйм билгеләнде. Бу урында ул Илсөяр Иксанованы алыштыра. Оештыру эшләре буенча урынбасар итеп музыкант һәм шагыйрь Ильяс Фәрхуллин билгеләнде.

Проза остаханәсен Айгөл Әхмәтгалева, поэзия остаханәсен Рифат Сәлах, драматургия остаханәсен Гөлүсә Батталова җитәкләячәк.