Мөслимнең Баланлы авылында яшәүче гаилә Хаҗга сертификат белән бүләкләнде

Татарстан мөселманнары Диния нәзарәте игълан иткән Рамазан аена җәмәгать урыннарының иң яхшы дизайны буенча «Нурлы Рамазан» республикакүләм конкурсы җиңүчеләре билгеле булды. Алар - Баланлы авылында яшәүче Гүзәл һәм Җәмил Газымовлар. Бу хакта «Мөслим-информ» сайты Мөслим мөхтәсибәтенә сылтама белән хәбәр ителә.

Газымовлар бу бәйгедә инде өченче ел катнаша. Алар «Корбангали» мәчетен һәм үзләре яшәгән йортны әллә каян күренеп тора торган төсле утлар, хәерле язулар, Рамазан ае бизәкләре белән бизәде.