Марат Хөснуллин: Россиянең төзелеш тармагына 200-400 мең хезмәткәр җитми

Россиянең төзелеш тармагында эшче кулларга кытлык күзәтелә. Белгечләрнең мәгълүматлары буенча, бу өлкәдә 200-400 меңгә якын кеше җитми. РФ вице-премьеры Марат Хөснуллин шулай дип белдерде.

«Икътисадның алга таба ничек үсеш кичерәчәгенә бәйле рәвештә, бездә 200 меңнән 400 меңгә кадәр төзүче җитми. Әмма хәзер төгәл санны беркем дә әйтә алмый», - дип ачыклык кертте ул РБК белән әңгәмәсендә.

Вице-премьер фикеренчә, бу – тармак өчен җитди проблема, ул соңгы елларда торак сафка бастыру күләмнәре тиз үсү аркасында бик кискенләште.