Метеоролог Татарстан халкын атмосфера басымы уйнау турында кисәтте

Алдагы көннәрдә Татарстанда температура уйнаудан тыш, атмосфера басымы уйнау да көтелә. Бу хакта КФУның Экология, биотехнология һәм табигатьне файдалану институтының метеорология, климатология һәм атмосфера экологиясе кафедрасы доценты Тимур Әүһәдиев сөйләде дип хәбәр итә уку йортының матбугат хезмәте.

«Россия Гидрометеорология үзәге фаразлары буенча, басымның кисәк артуы чәршәмбедән пәнҗешәмбегә башлана, бу метеобәйле кешеләрнең хәленә йогынты ясарга мөмкин», – дип кисәтте ул. Әлеге күренеш барий кырындагы үзгәрешләргә бәйле.