Түбән Новгородта узган гаилә бәйрәмендә гомрәгә юллама уйнатылган

Түбән Новгород шәһәрендә зур гаилә бәйрәме уздырылды. Бәйрәм чарасы дәвамында татарча һәм русча нәшидләр башкарылды, Мөхәммәд пәйгамбәргә багышланган һәм гаилә кыйммәтләрен чагылдырган шигырьләр укылды, үгет-нәсыйхәт сүзләре яңгыратылды. Бу хакта Россия Федерациясе мөселманнары Диния идарәсе телеграм-каналы хәбәр итә.

Өлкә диния идарәсенең Голәмәләр шурасы рәисе, казый Мөнир Бәюсов катнашучы гаиләләргә Россия Федерациясе мөселманнары диния идарәсе рәисе, мөфти шәех Равил Гайнетдин сәламен җиткерде.