Марат Айзатуллин: Камал театрының яңа бинасы 2024 елда төзелеп бетәргә тиеш

2024 ел ахырына кадәр Камал исемендәге театрның яңа бинасында төзелеш-монтаж эшләре тулысынча тәмамланырга тиеш. Бу хакта Татарстан Төзелеш, архитектура һәм торак-коммуналь хуҗалык министрлыгы җитәкчесе Марат Айзатуллин журналистлар белән очрашуда белдерде.

«Камал исемендәге Татар дәүләт академия театры бинасы төзелеше тәмамланып килә. Ел ахырына кадәр төзелеш-монтаж эшләре тулысынча төгәлләнергә тиеш, һәм шуннан соң, яңа елда без театр бинасын артистлар белән бергә сынап карый алачакбыз», — дип сөйләде министр.