«Ак Барс» хоккей командасы педиатрлар эшенә багышланган матч уздыра
Иртәгә, 20 ноябрь – Бөтендөнья бала көнендә һәм Халыкара педиатр көнендә – «Ак Барс» хоккей командасы, Республика балалар клиник хастаханәсе (ДРКБ) белән берлектә, педиатрлар хөрмәтенә матч үткәрәчәк. Бу хакта ДРКБның социаль челтәрендәге аккаунтында хәбәр ителә.
«Нефтехимик» белән матчта «ТатнефтьАрена» фойесында тематик зоналар эшләячәк: яңа туган балаларны биләүгә төрү, ашату буенча мастер-класс, савыктыру физкультурасы дәресе.
Аренада балалар өчен балалар шәһәрчеге зонасы ачык булачак.
Заголовки