Татарстанда буран һәм көчле җил көтелә
Иртәгә, 10 ноябрьдә, Татарстанда һава торышының бозылуы көтелә. Бу хакта республиканың Гидрометеорология үзәге хәбәр итә.
Төнлә һәм көндез республикада, шул исәптән Казанда да көнбатыштан, төньяк-көнбатыштан секундына 15-18 метр тизлектә көчле җил исәчәк.
Бофорт шкаласы буенча, 13,9 – 17,1 м/с тизлектәге җил көчле, ә 17,2 – 20,7 м/с тизлектәге җил бик көчле булып санала.
Моннан тыш, көндез кыска вакытлы буран булуы көтелә.
Көннең икенче яртысында һәм кич юлларда урыны белән бозлавык була.
Заголовки