Алабуга районында Кабак фестивале булды

Алабуга районының Олы Качка авылында Кабак фестивалендә кабакның бик күп төрләре һәм аннан әзерләнгән ризыклар тәкъдим ителде. Сүз уңаеннан, иң зур кабакның авырлыгы быел 30 кг 600 грамм тәшкил иткән. Фестивальнең иң популяр ризыклары кабак боткасы һәм эченә кабак төрелгән беленнәр булды. Бу хакта «Алабуга нуры» яза.

Сүз уңаеннан, мондый фестиваль Олы Качкада икенче тапкыр үткәрелә. Узган елда ук аны традицион итәргә карар кылынган.

Авылда көзге чараны иҗат коллективлары концерты бизәде.