Сабир Өметбаев исемендәге Минзәлә татар дәүләт драма театры Казахстан Республикасының Мангыстау өлкәсе Актау шәһәрендә узган III Халыкара «ABISH ALEMI» театр фестиваленнән кайтты.
«Кыргызстаннан, Ираннан, Грузиядән азәрбайҗан театры, Казахстанның Күкшетау каласыннан рус театры, Астана, Алматы, Уральскийданкилгән театрлар белән беррәттән Минзәлә театры да үз спектаклен күрсәтте. Без Флорид Бүләковның «Сөясеңме, сөймисеңме...» трагикомедиясен алып килгән идек», – дип хәбәр итә театрның әдәби бүлек мөдире Нурсибә Адиева.