Арча районы Мәдәният йортында махсус хәрби операциядә һәлак булган хәрбиләрнең әти-әниләренә, якыннарына Батырлык орденнары тапшырылды.
«Безнең буынга, илебезгә мондый сугыш афәтләре килер, махсус хәрби операция игълан ителер дип берәү дә уйламады. Районыбызда өч Бөек Ватан сугышы ветераны яши. Август аенда дүртенче ветераныбыз, Иске Йорт авылыннан Равил Шаһиәхмәт улы Фазлыевны җирләдек. 1943 елда ул хәзерге вакытта безнең егетләр көрәшкән җирләрдә фашистларга каршы торган. Әнием гомер буе әти сүзен әйтә алмыйча үскән...