Татарстанда Бала хокуклары буенча вәкаләтле вәкил Ирина Волынец машина йөртү таныклыгы булмаган килеш мототранспортта йөрүче балаларның ата-аналары өчен җаваплылыкны кырысландырырга өндәде. Тиешле закон чыгару инициативасы Дәүләт Думасының Дәүләт корылышы һәм закон чыгару комитеты рәисе Павел Крашенинниковка юлланды инде, дип сөйләде Волынец «Татар-информ» белән әңгәмә вакытында.
«Бездә, кызганыч, бик күңелсез статистика – бөтен ил буйлап балалар үлә, гомерлеккә имгәнә, чөнки әлеге транспорт чаралары...