Казанда узачак БРИКС саммитында катнашу өчен яңа коронавирус инфекциясенә һәм гриппка ПЦР-тесты тискәре нәтиҗә күрсәтергә тиеш. Бу хакта «Татар-информ»га Кулланучы хокукларын яклау һәм кеше иминлеге өлкәсендә күзәтчелек федераль хезмәтенең (Роспотребнадзор) ТР буенча идарәсе матбугат хезмәтендә сөйләделәр.
«Covid-19 һәм гриппка ПЦР-тест узу – БРИКС саммитының эшлекле программасына аккредитацияләнү өчен мәҗбүри процедура», - дип билгеләделәр ведомствода.
Тест үткәрү өчен Казанда тугыз махсуслаштырылган пункт оештырылачак.