Бүген, 7 июльдә, 17.30 да «ТНВ-Татарстан» телеканалы галим, Социалистик Хезмәт Герое Илдус Мостюков турында фильм күрсәтәчәк. Ул кичә вафат булды.
«Совершенно секретный Мостюков» картинасы «Орденоносцы» циклыннан, ул 2009 елда ук төшерелгән.
«Татар-информ» хәбәр иткәнчә, «үзеңнеке – читнеке» («свой – чужой») радиолокацион тану совет системасын булдыручыларның берсе Илдус Мостюков 96 яшендә вафат була. Галим белән хушлашу мәрасиме 8 июльдә уза, аны Казанның Арча зиратында җирлиләр.