КФУның Филология һәм мәдәниятара багланышлар институтының Габдулла Тукай исемендәге Милли мәдәният һәм мәгариф югары мәктәбендә чыгарылыш кичәсендә җиде бакалавр төркеме һәм ике магистр төркеме студентлары диплом алды. Педагогика юнәлеше буенча белем алган магистрлар төркемендә унбиш студентның барысы да кызыл дипломлы булды.
Барлыгы 194 студент укуларын тәмамлады, шуларның 67се кызыл дипломга ия булды. Студентлар югары уку йортында укытучы, филолог, журналист һәм тюрколог белгечлекләрен үзләштерде.