«Нурлы Казан» симфоник поэмасы халыкара фестиваль-бәйгедә җиңү яулады

Композитор һәм пианист, Россия һәм Татарстан Композиторлар берлеге әгъзасы Алсу Сөнгатуллинаның «Нурлы Казан» симфоник поэмасы Эдуард Артемьев исемендәге I «Сибириада» халыкара музыкаль һәм мультимедиа сәнгате фестиваль-бәйгесендә «Академик музыка» номинациясендә өченче урынга лаек булды. Бу хакта ТР Мәдәният министрлыгының матбугат хезмәте хәбәр итә.

Конкурс академик, электрон һәм электроакустика музыкасы жанрларында эшләүче талантлы композиторларны, видеорәссам һәм режиссёрларны җыйды.