Бөтенроссия һәм халыкара конкурслар лауреаты, Татарстан Композиторлар берлеге әгъзасы, пианист, композитор Миләүшә Хәйруллинаның «Тукай мәйданы» дип исемләнгән фортепиано циклы җыентыгы дөнья күргән.
«Бу минем беренче авторлык нота басмасы. 12 пьесадан торган «Тукай мәйданы» дигән яңа фортепиано циклы, ниһаять, быел чыкты. Беренче пьесаны биш ел элек язган идем. Узган ел «Кави-Сәрвәр» операсын язып төгәлләгәч, калган пьесаларны иҗат иттем. Пьесалар балалар музыка мәктәпләрендә 3-7 сыйныфларда укучыларга дип язылды.