Әгерҗенең Тирсә мәктәбендә хәрби-патриотик уен узды

Әгерҗедәге «Форпост» үзәге, Халыкара тынычлык көненә багышлап, авыл мәктәпләре арасында хәрби-патриотик уен уздырды. Анда Иж-Бубый, Көчек, Тирсә мәктәпләре, Сарсак-Омга лицее командалары катнашты. Бу хакта «Әгерҗе хәбәрләре» яза.

Укучылар хәрби-башлангыч әзерлекне үз эченә алган биремнәрне үтәде, спорт ярышларында осталыкларын күрсәтте, хәрби темага җырлар башкарды.

Соңыннан барысы да солдат боткасы белән сыйланды. Тирсә, Сарсак-Омга, Көчек командалары беренче-өченче урыннар алды.