Альберт Суяргулов Татарстан прокуратурасын җитәкләячәк

Татарстан Республикасының яңа прокуроры Альберт Суяргулов булачак. Моңарчы ул Санкт-Петербург прокуроры урынбасары вазифасын биләгән. Татарстанның элекке прокуроры Илдус Нәфыйков Мари Эл республикасында күзәтчелек ведомствосын җитәкләячәк. Бу хакта бүген Федерация Советының 551 нче утырышында Конституция законнары һәм дәүләт төзелеше комитеты рәисе Андрей Клишас белдерде.

Альберт Суярглов 1982 елда туган. Ул Санкт-Петербург Хәрби-диңгез институтын тәмамлый, ә аннары Санкт-Петербург дәүләт университетында югары юридик белем ала.