Урай шәһәрендә «Яхшы күршеләр» дигән бәйрәм узды

Югра төбәгендәге Урай шәһәре татарлары «Яхшы күршеләр» дип аталган бәйрәм уздырган. Бу хакта «Татарлар – Сургут» вконтакте төркемендә хәбәр ителә.

Төбәктә шундый милли-мәдәни чаралар бик еш уздырыла. Борынгы йолаларны саклап калып, халыкка җиткерү теләге татар оешмасы җитәкчеләренең күңелләрендә елдан-ел көчәя бара.

Кунакка йөрешү — борынгыдан килгән матур йола. Урай шәһәрендә якын - тирә шәһәрләрдән килгән кунакларны каршы алганнар. Бәйрәм кунакларын кунак каршы алу йоласы, милли ашларыбыз белән таныштырганнар.