Türkmenabatda polisiýanyň ýaş jübütleri saklap, olardan ‘para talap etmek çäreleri’ güýçlendi

Lebabyň Türkmenabat şäherinde polisiýa işgärleriniň ilata, hususan-da, ýaş jübütlere gözegçiligi güýçlendi. El tutuşyp barýan ýaş jübütleriň köçelerde we seýilgählerde gezelenç edýän mahaly polisiýa işgärleri tarapyndan saklanmagy bilen bagly wakalar göz-görtele köpeldi. Jübütler “jemgyýetçilik tertip-düzgünini berjaý etmezlikde, ahlaksyzlykda” aýyplanyp, polisiýa tarapyndan talap edilýän parany bermäge mejbur edilýärler. Bu ýagdaýlar barada Azatlyk Radiosynyň habarçysy 29-njy aprelde sebitden maglumat berdi.