ABŞ resmisi: Tramp Eýranyň soňky teklibinden hoşal däl

ABŞ-nyň prezidenti Donald Tramp Tähranyň soňky teklibine uly nägilelik bildirdi, munuň esasy sebäbi teklibiň Eýranyň ýadro programmasynyň çylşyrymly taraplaryny çözmäge mümkinçilik bermeýändigi bilen baglanyşykly diýip, Birleşen Ştatlaryň ýokary derejeli resmisi 27-nji aprelde Azatlyk Radiosyna beren maglumatynda tassyklady. Administrasiýanyň gazanyljak islendik diplomatik üstünligiň ýadro baýlaşdyrmak meselesinde berk gözegçiligi we çäklendirmeleri öz içine almalydygy baradaky pozisiýasy berk saklanyp galýar diýip, resmi belleýär.