Lebapda filmleriň we kompýuter oýunlarynyň disklerini satýan söwdagärlere garşy reýdler güýçlendi

Lebabyň Türkmenabat şäherinde filmleriň we kompýuter oýunlarynyň disklerini satýan söwdagärler polisiýa işgärleri tarapyndan nyşana alynýar. Şäheriň esasy bazarlaryna, şol sanda “Gök” bazara reýd geçirýän polisiýa işgärleri söwdanyň bu görnüşiniň bikanundygyny aýdýarlar. Şol bir wagtda, söwdagärler reýdleri özlerinden “para almagyň bir usuly” atlandyrýarlar. Bu ýagdaýlar barada söwdagärleriň ýakyn hossarlarynyň we polisiýadaky çeşmelerimiziň birnäçesi Azatlyk Radiosynyň sebitdäki habarçysyna maglumat berdi.