Baýramçylyklaryň öňüsyrasynda Aşgabatdaky we Arkadagdaky içerki migrantlar ýene öz ýaşaýan sebitlerine ugradylýar

Paýtagt Aşgabadyň we Arkadag şäheriniň häkimiýetleri welaýatlardan gelip işleýän içerki migrantlary öz ýaşaýan sebitlerine ibermek çärelerini güýçlendirdiler. Häkimiýetler bu çäreleri Oraza we Nowruz baýramlarynyň bellenilýän günlerinde “şäherleriň asudalygyny goramak tagallalary” bilen düşündirýärler. Bu ýagdaýlar barada Azatlyk Radiosynyň habarçysy 19-njy martda sebitden maglumat berdi. “Şu günler Aşgabadyň we Arkadagyň polisiýa işgärleri welaýatlardan gelip, bu şäherlerde işleýän raýatlara garşy reýdleri geçirýärler.