Türkmenistanda 5,2 bal güýjündäki ýer titremesi boldy

Azatlygyň Balkan welaýatyndaky habarçysy sebit merkezinde, Balkanabat şäherinde 11-nji martda, günortan sagat 12:55 töwereginde ýer titremesiniň bolandygyny habar berdi. Adatça bolşy ýaly, döwlet eýeçiligindäki türkmen metbugaty tebigy hadysa barada dymýar. Ýerasty sarsgynyň täsiri Türkmenbasy şäherinde hem duýuldy diýip, habarçymyz ýazdy. Ýer sarsgyny Balkanabat şäheriniň ýaşaýjylarynyň gyssanmaç ylgaşyp, çagalaryny alyp, öýlerinden daşaryk çykmagyna, dindarlaryň oturyp, doga-dileg etmeklerine sebäp boldy.