Garagumda şeker şugundyrynyň hasylyny ýygnap almaga işçi ‘tapdyrmaýar’

Marynyň Garagum etrabynyň daýhan birleşiklerinde ýetişdirilen şeker şugundyrynyň hasylyny ýygnap almak meselesinde işçi ýetmezçiligi emele geldi. Kärendeçi daýhanlar ýetmezçilige gyssagly çözgüt tapylmasa, munuň hasylyň zaýa bolmagyna getirjekdigini aýdýarlar. Bu ýagdaýlar barada Azatlyk Radiosynyň habarçysy 26-njy fewralda sebitden maglumat berdi. “Häzir Garagumda şugundyr hasylyny ýygnamak möwsümi dowam edýär. Ýöne etrapda adam sanynyň ep-esli azalmagy, daýhan birleşiklerde şugundyr hasylyny ýygnap almak meselesinde uly alada döretdi.