Pes aýlyk we jaýsyzlyk harbylary “bidüzgünçiliklere, korrupsiýa iterýär”

Balkan welaýatynyň Türkmenbaşy şäherindäki Janga deňiz serhet flotunyň harby ofiserleriniň ençemesi özleriniň iş şertleriniň gözgynydygyny, aýlyklarynyň hatda jaý kireýlerini tölemäge-de ýetmeýändigini aýdýar. Azatlyk Radiosynyň sebitdäki habarçysy bilen anonimlik şertinde söhbetdeş bolan ofiserler munuň köp harbyny “bidüzgünçiliklere, korrupsiýa iterýändigini” bellediler. “Biziň flotumyzdaky ofiserleriň aýlygy 4000 manatdan geçmeýär. Men 3600 manat aýlyk alýaryn. Ýöne bu meniň aýlyk kireýine alýan jaý tölemegime hem ýetmeýär.