Migrant çagalary 18 ýaşyna ýetenden soň Russiýadan gitmäge mejbur edilip bilner

Rus hökümeti Döwlet Dumasyna Russiýada patent bilen işleýän migrant işçileriň çagalarynyň 18 ýaşyna ýetenden soň 30 günüň dowamynda ýurtdan çykmagyny ýa-da öz patentlerini almak üçin ýüz tutmagyny talap edýän kanun taslamasyny hödürledi. Resminama görä, migrant işçileriň kämillik ýaşyna ýetmedik çagalaryna, ene-atasynyň bu ýurtdaky rugsatnamasynyň güýjünde bolan döwründe Russiýada galmaga rugsat berler. Ýöne munuň üçin ene-ata özi we her bir çaga üçin şahsy girdeji salgydynyň tölegini öňünden tölemeli bolar.