Gyrgyzystanda MHDK-niň korrupsiýa garşy göreş bölüminiň başlygy korrupsiýada aýyplanýar

Bişkek şäheriniň Birinji Maý etrap kazyýeti 19-njy fewralda Milli howpsuzlyk döwlet komitetiniň 6-njy bölüminiň, aýratyn möhüm işler boýunça baş müdirliginiň başlygy Tilek Abdykalykowy 15-nji aprele çenli tussaglykda saklamak kararyny çykardy. Harby prokuraturanyň derňew bölüminiň başlygy onuň tussag edilmegini sorady. Etrap kazyýetiniň maglumatyna görä, güman edilýän resmi Jenaýat kodeksiniň "Korrupsiýa" maddasy boýunça aýyplanýar. Açyk çeşmelerde Tilek Abdykalykow barada jikme-jik maglumat ýok.