Ministrleriň täze "Mersedesleri" täzelenýär, adamlar öýlerinde käýinýär

Türkmen hökümeti şu ýylyň başynda ministrler we beýleki ýokary derejeli işgärler üçin Germaniýada öndürilýän “Mersedes” awtoulaglarynyň ýene bir tapgyryny, 100-den gowragyny satyn aldy, häzir olaryň 30-dan gowragy Aşgabada getirildi, galan bölegi indi getirilmeli diýip, Azatlygyň habarçylary we çeşmeleri habar berýär. Bu ulaglary köçede gören ýönekeý adamlar, býujet edaralarynyň işgärleri, çeşmäniň aýtmagyna görä, öýlerine gelenlerinde ýa-da işde, ynanyşýan kärdeşleriniň ýanynda ‘bu hökümetiň halk bilen işi ýok’ diýen manyda gürrüň edýärler.