Sumbar derýasynyň boýundaky obalaryň ilaty eklençsiz galýar, göçüp gidýän köpelýär

Balkan welaýatynyň Magtymguly etrabynyň ýaşaýjylary eklenç üçin hiç mümkinçiligiň galmandygyny aýdýarlar. Azatlyk Radiosynyň habarçysy bilen gürleşen ýerli ýaşaýjylar göçüp gitmekden başga çäre görmeýändigini gürrüň berdiler. "Häzir adamlaryň ýaşaýyş şertleri gaty agyrlaşdy. Adamlar eklenç etmegiň, ýaşamagyň kyn bolandygy üçin göçmäne başladylar" diýip, Azatlygyň habarçysy bilen gürleşen ýaşaýjylaryň biri aýtdy. Oba ýaşaýjylarynyň sözlerine görä, suwsuzlyk we ýer önümçiliginiň örän gowşamagy oba ýaşaýjylaryny eklençden tas doly mahrum etdi.