Balkanda raýatlaryň açyk şikaýat wideolary köpelýär, MHM-niň olara basyşy güýçlenýär

Türkmenistanda, hususan-da, Balkan welaýatynda raýatlaryň sosial ulgamlar arkaly ýerli kazyýetleriň üstünden açyk şikaýat etmegi bilen bagly nägilelik wideolary göz-görtele köpeldi. Munuň bilen bir wagtda, Milli howpsuzlyk ministrliginiň (MHM) we polisiýanyň ýerli bölümleri tarapyndan wideolary paýlaşýan raýatlara garşy basyşlar hem artdy. Bu wakalaryň fonunda, sebitde ilatyň Internet üpjünçiliginiň hili ýaramazlaşdy. Bu ýagdaýlar barada Azatlyk Radiosynyň habarçysy 12-nji fewralda sebitden maglumat berdi.