Daşoguzda ýagan güýçli gar hereketi çäklendirdi, ilatyň gaz we elektrik üpjünçiligi kesildi

Daşoguz welaýatynyň aglaba böleginde güýçli gar ýagyp, sebitiň käbir etraplaryny 25 santimetre çenli gar gaplady. Ýollaryň wagtynda arassalanmazlygy we döwlet awtobuslarynyň köpüsiniň öz işini wagtlaýyn togtatmagy, ilatyň kadaly hereketini ep-esli çäklendirdi. Galyberse-de, howanyň temperaturasy gijelerine -11 we gündizlerine -4 gradusa çenli sowaýan şu günlerde, ilatyň elektrik we gaz üpjünçiligi yzly-yzyna kesilýär. Bu ýagdaýlar barada Azatlyk Radiosynyň iki habarçysy 6-njy fewralda sebitden maglumat berdi.