Liwiýanyň Baş ştabynyň başlygyny alyp barýan uçar Türkiýede heläkçilige uçrady

Türk häkimiýetleri Liwiýanyň Baş ştabynyň başlygyny we başga-da dört ýolagçyny alyp barýan hususy biznes uçary bilen aragatnaşygyň ol Ankara aeroportundan uçanyndan soň kesilendigini habar berdiler. Soň uçaryň galyndylarynyň tapylandygy baradaky habarlar peýda boldy. “Falcon” uçary Ankaradan 74 kilometr uzaklykda ýerleşýän Haýmany şäheriniň golaýynda gyssagly gonmak üçin rugsat sorapdyr, ýöne soňra uçar bilen aragatnaşyk kesilipdir diýip, Türkiýäniň içeri işler ministri Ali Ýerlikaýa X sosial media saýtynda habar berdi.