Stambulda ýüzlerçe türkmenistanly student uniwersitete 'duýdansyz' goýberilmezligine garşy çykdy

18-nji dekabrda Türkiýäniň Stambul şäherindäki Altynbaş (Altinbaş) uniwersitetine baran türkmenistanly studentleriň ýüzlerçesi ýokary okuw jaýyna duýdansyz goýberilmedi. Studentleriň ençemesi uniwersitetiň girelgesindäki wekilleriň özlerine ýokary okuw jaýyndan çykarylandygyny dilden mälim edendigini aýdýar. Bu mesele barada uniwersitetiň administrasiýasy tarapyndan resmi beýanat berilmeýär. Ýüzlerçe studentiň ykbalyna täsir edýän bu ýagdaý barada Türkmenistanyň Ankaradaky ilçihanasy we Stambuldaky konsulhanasy hem dymyşlygyny saklaýar.