Ankarada Sahatow bilen Orusowyň halkara goragyndan mahrum edilmegine garşy sud diňlenişigi geçiriler

2025-nji ýylyň 3-nji noýabrynda Ankarada kazyýet türk häkimiýetleriniň Alişer Sahatow bilen Abdylla Orusowy halkara goragyndan mahrum etmek baradaky kararyna garşy diňlenişik geçirer diýip, adam hukuklaryny gorýan Türkmen Helsinki gaznasy habar berýär. Bu diňlenişigiň geçiriljek senesi aktiwistler şikaýat edeninden birnäçe aý soň bellendi. Mundan öň, 23-nji oktýabrda Ankarada 26-njy Administratiw kazyýetiň iki türkmen bloggeriniň Türkiýäniň Immigrasiýa müdirligine garşy şikaýaty esasynda, deportasiýa işi boýunça diňlenişik geçirildi.